Mga Pangatnig at Transitional Devices

Isang araw nakita mo ang lalaking matagal mo nang hinahangaan, pilit kang nagtago ngunit nakita ka niya at wala kang nagawa kundi ngumiti na lamang, at laking gulat mo naman nang ngumiti din siya sayo bilang ganti. Para kang binuhusan ng malamig na tubig na hindi makagalaw...sobrang saya mo!

Pero teka...

Paano mo ikukwento yan sa matalik mong kaibigan?

Kalimutan muna natin ang iyong nuhay pag-ibig at mag-aral muna tayo!

Alam mo bang sa araw-araw na pananalita at pagsusulat ay gumagamit tayo ng mga pangatnig at transitional devices?

Ang pangatnig ay kataga, salita o grupo ng mga salitang nagpapakita ng pagkakaugnay ng isang salita sa isa pang salita o isang kaisipan sa isa pang kaisipan. 



ANG MGA HALIMBAWA NG PANGATNIG AY ANG MGA SUMUSUNOD: 

at, o, ni, kapag, pag, kung, dahil, sapagkat, kasi, upang, para, kaya, nang 

Uri ng Pangatnig

1. Pantuwang – pinag-uugnay ang magkakasinghalaga o magkapantay ang kaisipan

Hal.

Ang pagluha ng ama saka ang paghingi ng patawad ay palatandaan ng pagsisisi nito.

2. Pamukod – may ibig itangi sa dalawa o ilang bagay at kaisipan

Hal.

Ikaw o ang iyong mga anak ang magdurusa kung may bisyo ang ama sa tahanan.

3. Paninsay – kung sa tambalang pangungusap ang ikalawa ay sinasalungat ang una

Hal.

Umiyak nang umiyak ang ama ngunit hindi na ito makikita ni Mui Mui subalit naniniwala silang pinagsisihan niya ang lahat.

(Ang subalit ay ginagamit lamang kung ang ngunit at datapwat ay ginagamit sa unahan ng pangungusap.)

4. Panubali – nagsasaad ito ng pag-aalinglangan

Hal.

Walang kasalanang di mapapatawad ang Diyos kung ang nagkasala ay nagsisisi.

5. Pananhi – nagsasaad ng kadahilanan at pangangatwiran

Hal.

Mga takot ang mga anak palibhasa’y takot din ang ina.

6. Panlinaw – nagbibigay kalinawan sa isang kaisipan, bagay o pangyayari

Hal.

Hindi na niya gagastusin ang pera sa alak kaya naniniwala silang tanda na ito ang kaniyang pagbabago.

7. Panapos – nagbabadya ng pagwawakas

Hal.

Sa wakas kinakikitaan din ng pagbabago ang ama.

Ayun lamang sana'y may naututunan ka ! :)

Kahalagahan ng Kaalaman sa Alamat

Lahat ng bagay may pinagmulan...lahat ng bagay ay may dahilan kung bakit sila nabuo...Hindi tamang maging ignorante tayo sa sarili nating pinagmulan.

Bata pa lamang atin nang kinamulatan ang mga alamat, mapa prutas, lugar, halaman, o bundok man yan, lahat ay may alamat, isang kuwento ng kanilang pinagmulan. Mga kuwentong nagmula pa sa malawak na imahinasyon ng ating mga ninuno.Kung ang isang bata ang iyong tatanungin kung saan nagmula ang prutas na pinya tiyak na magiliw niyang ihahayag sayo ang kuwento ng batang si Pina na ubod ng tamad maghanap. Ipinapakita lamang nito ang malaking bahaging ginagampanan ng alamat sa ating panitikan at araw-araw na buhay. 

Ang mga alamat ay sumasalamin sa kultura ng ating mga ninuno. Mahalaga ang may kaalaman tayo dito, upang mapanatili natin itong buhay sa paglipas na panahon. Isa rin itong pang-aliw at higit sa lahat ay pinagkukunan ng mga aral. Ang batang pinalaki sa mga alamat ng kanilang lolo at lola ay tiyak na madisiplina. Halimbawa na lamang ang mga batang nakakaalam ng alam ng pinya, maaring sila'y natakot sa naging kaparusahan ni Pina kaya't matututo silang hanapin nang maigi ang isang bagay...

Kung wala kang alam sa alamat, ano na lamang ang ikukwento mo sa mga apo mo pagdating ng panahon? Paano mo malalaman ang gawi ng tao noon? Kaya naman ngayon pa lamang ay magbasa ka na! :)